-- ADVERTISEMENT --

VIGAN CITY – Nasarakanen ti bagi ti biktima a nalmes idi kalman idiay Brgy. Pagsanaan Norte, Magsingal.

Nabigbig ti biktima a ni John Michael Antolin agtawen ti dua pulo ket pito tubo ti ili ti Narvacan ngem agnanaed ti Brgy. San Ramon ti nasao nga ili.

Iti pannaki-uman ti Bombo Radyo Vigan kenni Corazon Barnachea, ina ti live in partner ni Michael, sakbay a napasamak ti pannakalmes ti biktima ket agawidda kuman ngem nagtugaw ni Michael ti abayna a nangsindi ti Sigarilyona a kumitkita ti kabaybayan.

Kellaat nga inikkat ti biktima ti beltbag na ket napanna nagdigos ti baybay uray no nadawel. Pinasingkedan ni Barnachea a nalaing nga aglangoy ti biktima ngem gapo ti kinapigsa ti dalluyon ken kuryente ti baybay nalmes ni Antolin.

Innayon ni Brgy. Captain Rambo Tolentino Udarbe, ti San Ramon Magsingal, nagpakada kenkuana ti biktima ta agsakit ti ulona iso a saan a simbrek ti trabaho ken nakigtot da laengen idi madamagda a nalmes ti biktima ta sakbayna nagipatulod pay ni Michael ti kumentona ti social mediana.

-- ADVERTISEMENT --