VIGAN CITY – Dead on arrival ti ospital ni Benedict Tipon Paiste agtawen tallo pulo ket innem, naasawaan, electrician ken agnaed ti Brgy. An-annam, Bantay gapu iti pannakaisagud iti sagut iti ullaw ti tenggedna idiay Divsersion Road ti Brgy. Cabalangegan, Vigan City.

Iti pannaki-uman ti Bombo Radyo Vigan kenni Reynante Pugal nga agnaed ti An-annam, nakalugan da iti motorsiklo ti biktima agingga a nakarikna a nasakit iti tengngedna isu a kiniddawna a maisardeng iti motor ngem bigla a natumba iti biktima iti kalsada ken nagayusen iti dara.

-- Advertising --

Gapu iti dayta nagkiddaw iti tulong ni Pugal kadagiti tattao iti nasao a lugar isu nga insigida a nakaresponde dagiti otoridad ket nangipan ti biktima iti ospital ngem naideklara a dead on arrival.

Kabayatanna, pinasingkedan ni PStaff Sgt. Mark Ryan Pagal, imbestigador ti Vigan City Police Station, maipilaan iti kaso a Reckless Imprudence Resulting to Homicide dagiti dua a lallaki nga agtawen duwa pulo ket pito ken sangapulo ket innem nga akinkukua ti ullaw ken sagut a puon ti nakatayan ni Paiste.