VIGAN CITY – Kaso a panaglabsing iti Article 151 ti sangwen a kaso ti maysa a lalaki nga immunan a naglabsing iti curfew iti ili ti San Vicente.

Iti pannaki-uman iti Bombo Radyo Vigan ken ni PCapt. Jane Michael Algo, bayat iti panagpatrolda ket nasabatda ti maysa a lalaki a nakamotorsiklo a naggapo idiay San Sebastian, San Vicente nga iti agdama ket naidalan iti Extreme Enhanced Community Quarantine isu a pinarada ngem saan a nagsardeng isu a napilitanda a sinurot agingga nakadanonda iti nagbaetan iti Bayubay Norte ken Poblacion a gappuanan iti panagderetsona iti barangay control point.

-- Advertising --

Kinuna ti lalaki nga adda laeng iti intulodna idiay San Sebastian ngem naangotda a nakainom iti arak.

Matiketan la koma iti panaglabsing iti curfew hour ti lalaki ngem gapu ta pinagkamkamatna dagiti pannakabagi ti linteg ket nadagdagsenen iti sangwenna.