VIGAN CITY – Nakastreken ditoy Ilocos Sur dagiti dua a covid 19 variants nga isu ti Beta wennu South African variant ken Alpha wennu UK variant kas pinasingkedan ni Gov. Ryan Singson ta nakaawat da iti report manipud ti Department of Health.

Maibasar iti nasao a report, adda tiĀ  lima a kaso ti South African variant ken siam a kaso ti UK variant.

-- Advertising --

Kadagiti nabigbig a UK variant cases, innem ti nairekord iti siudad ti Vigan, dua iti ili ti Cabugao ken maysa iti ili ti Sta. Cruz.

Dagiti kaso a maibilang a South African variant ket tallo manipod ili ti Cabugao ken dua iti siudad ti Vigan.

Kiniddaw ti Provincial COVID 19 Action Center Incident Commander Dr. Trina Talaga nga agtitinnulongĀ ti amin ken salwadan ti bagi tapno saan a maakaran ti sakit nangruna ket saanen a masaparan dagiti quarantine facilities iti probinsiya ti umad-adu a bilang dagiti makapkaptan ti agraraira a virus.

Kabayatanna, malimitaran pay laeng iti iseserrek dagiti returning residents ken returning Overseas Filipino ditoy probinsia gapu iti agdama a sitwasyon.