VIGAN CITY – Umaboten iti dua gasut uppat a pulo ket dua dagiti kaso ti Covid19 iti probinsia ta tallo ti nainayon iti nagpatnag.

Ni ISC240 ket agtawen iti limapulo a babai a taga-Baclig, Cabugao, agilaklako ti nateng ken prutas, asymtomatic, awan ti travel history-na, nai-expose ken ni ISC223 ken extensive ti contacts-na.

-- Advertising --

Ni ISC241 ket agtawen iti duapulo ket walo a lalaki a taga-Brgy. Poblacion, Sta. Catalina, truck helper, nagpanateng ken naguyek, adda travel history-na idiay Urdaneta City, adda ti exposure na kadagiti high risk area ken broad ti contacts-na.

Mangrugi iti January 14 agingga January 26 ket maidalan iti EECQ dagiti critical zone, MECQ dagiti containment zone ken GCQ dagiti buffer zone.

Kabayatanna, ni ISC242 ket lalaki nga agtawen iti duapulo ket lima a taga-Bayambang, Pangasinan, APOR ta isuna ket maysa a uniformed personnel.

Naggurigor ti pasyente, adda travel history na idiay Pangasinan, nai-expose kadagiti high risk area ken limitado dagiti contacts na.

Awan ti community containment strategy a nasurot ta insigida a na-isolate ti pasyente.