VIGAN CITY – Inlawlawag ni Department of Health- Region 1 Director Valeriano Lopez a saan a ditoy probinsia ti ayan dagiti tallo a person under investigation iti novel coronavirus ngem kinumpirmaran na nga isuda ket agpapada a Chinese nationals nga itatta ket naka-confine ti maysa nga ospital.

Ti pannaki-uman ti Bombo Radyo Vigan ken ni Lopez, naka-isolate dagiti nasao a Chinese national nga immay nagpasyar ditoy rehiyon ken nagpakonsulta kadakuada idi kallabes ta naggurigorda ngem impasiguradona a saanda a makaakar.

-- Advertising --

No pay kasta, nainget ti panangbantayda kadagiti nasao a PUI ken mangisaysayangkatdan ti contract tracing no siasino dagiti nakapinnulapol da ken no ania dagiti lugar a napananda.

Innayon na a saan pay a nakaawid wennu nakapanaw ditoy rehiyon dagiti nasao a Chinese nationals agsipud ta nag-expire ti ticket da ken dagiti sumagmamano a dokumento a kasapulan da nga isu pay ti maysa kadagiti isimsimpa da.

Malaksid iti dayta, impasigurado ni Lopez nga isapubliko na amin nga impormasion inaig ti nasao a virus tapno saan nga agbutbuteng iti publiko gapu kadagiti peke a damag agsipud ta narigrigat nga agasan iti peke a damag ngem ti mismo a sakit.