VIGAN CITY – Tallo iti nainayon a kaso ti covid19 iti probinsia isu nga umaboten ti duagasut tallopulo ket pito.

Ni IS-C235 ket maysa a babai, agtawen  ti innem a  pulo ket pito ken maysa a Houskeeper.

-- Advertising --

Asymptomatic ti pasyente , awan ti travel History na ngem na-expose kenni IS-C204 ken extensive ti nakapulapolna idinto ni IS-C237 ket agtawen ti uppat a pulo ket innem a babai nga store owner.

Awan iti Travel history na ngem asymptomatic, na-expose kenni IS-C207 ken Extensive ti nakapulapolna.

Dagiti dua a nadakamat a pasyente ket agpada a taga ili ti Cabugao.

Kabayatanna, maysa ti napositibo iti Brgy Cabaoroan, Sta. Catalina. Ti pasyente ket ni IS-C 236 nga agtawen ti tallopulo ket walo a lalaki, Plat operator, awan ti travel history-na ngem na-expose iti maysa a nagpositibo manipud iti La Trinidad, Benguet.

Nakarikna ti pasyente ti Rhinitis ken extensive ti nakapulapolna.

Gapu iti dayta, amin a lugar dagiti nagpositibo ket maidalan iti Extreme Enhance Community Quarantine dagiti sakupen ti Critical Zone, MECQ dagiti sakupen ti Containment Zone ken maidalan iti GCQ dagiti ada iti Buffer Zone nanipud di January 12 aginga January 26, 2021.