VIGAN CITY – Maysa a babai ti nakemmeg iti Anti-Illegal Drug Operation a naiwayat idiay Darapidap, Candon City ken nailista a drug personality ti Sta. Cruz Police Station.

Ti suspek ket ni Marian Dagium, agtawen iti tallopulo ket dua a tubo ti Agusan Del Norte ngem temporaryo nga agnaed iti Talogtog, Candon City.

-- Advertising --

Naala kenkuana ti dua a piraso ti bassit a transparent sachet ti shabu nga agdagsen iti 0.2 gram a ti gatadna ket dua a ribo a pisos, maysa a cellphone ken buy bust money a sangaribo a pisos.

Addan iti kustodia ti Candon City Police Station ti suspek ken maisagsaganan ti kaso a sangwenna.