© Saniata ti Ylocos Sur Office Facebook page. Donnable Erno, Saniata ti Ylocos 2020

VIGAN CITY – Nakoronaan kas Saniata ti Ylocos 2020 ni Saniata ti Sta. Maria Donnable Erno iti naisayangkat a grand coronation night idi rabii a kas paset ti Kannawidan Ylocos Festival 2020.

Malaksid iti korona, naala pay ni Erno iti Best in Swim wear, Darling of the Press wennu Media’s Choice award, Ms. Articulate ken best in evening gown.

-- Advertising --

Kabayatanna, nakoronaan kas 2nd runner up ni Elisha Faith Udarbe ti Magsingal; 1st runner up ni Laiza Mae Fernando ti Bantay; Saniata ti Ylocos – Environment ni Christine Mary Pacleb ti San Esteban; Saniata ti Ylocos – Tourism ni Blezie Mae Garcia ti Quirino ken Saniata ti Ylocos – World ni Ma. Glaizel Ragaza ti San Vicente.

© Saniata ti Ylocos Sur Office Facebook page. Ni Donnable Erno a nakoronaan kas Saniata ti Ylocos 2020 ken dagiti kakadua na a nakoronaan idi rabii ti February 2.

Malaksid kadagiti major awards, adda pay nakaala kadagiti minor awards kas ti  Miss Congeniality a naala ni Ysabella Casandra Rafanan ti Caoayan; Miss Photogenic ni Blezie Nae Garcia ti Quirino; Best Performer ni Laiza Mae Fernando ti Bantay; Darling of the Crowd ni Jezra Agsalog ti Gregorio Del Pilar; Face of the Night a ni Ma. Glaizel Ragaza ti San Vicente; Miss Kojie San ni Elisha Faith Udarbe ti Magsingal; Best in Talent ni MA. Glaizel Ragaza ti San Vicente; Ms. Safari Hotel ni MA. Glaizel Ragaza ti San Vicente ken Ms. Globe ni Camille Tabaco ti Cabugao.