VIGAN CITY – Adadalen ti Ilocos Sur Task Force COVID iti pannakaisarra ti border ti probinsya tapno makainana dagiti health care worker ken maikkatan iti bilang dagiti pasiente nga agtaltalinaed kadagiti isolation facility.

Iti pannaki-uman ti Bombo Radyo Vigan kenni Governor Ryan Singson, masapol da pay nga iuman nga aprobaran ti Regional Inter Agency Task Force iti dua a lawas a pannakaisarra ti border ti probinsya.

-- Advertising --

Mangnamnama ni Singson nga mawatan ti IATF iti addang a kayat ti gobyerno probinsya ta no kitkitaen iti rekord dagiti nagpositibo APOR wenno Authorize Person Outside Residents iti kangrunaan a nakaptan iti nasao a virus.

Agtultuloy iti panawagan ti ama ti probinsya kadagiti APOR nga no agsubli da ti probinsya ket aghome quarantine ta dadduma kadakuada ket saan a sumursurot iti nasao a pagannurutan.