VIGAN CITY – Ingunamgunam ni Dr. Trina Tabboga- Talaga, Chief of Hospital ti Ilocos Sur Provincial Hospital- Gabriela Silang nga awan iti parikut no mainaig iti panagsagsagana ti ospital iti kangitingitan ti novel coronavirus.

Ti pannaki-uman ti Bombo Radyo Vigan ken ni Talaga, nakasagana da nga i-isolate dagiti pasyente a mapapati a naapektaran iti nasao a virus ken  sursuruten da pay dagiti pagannurutan nga inyetnag ti Department of Health inaig iti panangkita  kadagiti pasyente nga adda nCov na nu bilang man adda iti maapektaran ditoy probinsiya.

-- Advertising --

Malaksid iti dayta, nakasagana da pay a mang-isolate kadagiti gangannaet a pakakitaan da iti pagilasinan ti nasao a sakit a kas paset iti panagan-annad kontra ti nCov.

Kabayatanna, nagiwarasen ti City Health Office ti flyers kadagiti kaaduan tapno maadalanda ken addan ti nangisayangkatda ti orientation kadagiti opisial ti nadumaduma nga ili a kas paset iti pannakikammayetda kadakuada tapnu maliklikan iti nasao a sakit.

Kiniddaw ti doktor kadagiti umili a kasapulan iti panangawat  no nainget ti panangipastrekda kadagiti pasyente iti nasao nga ospital para iti kinatalged ti amin ken impalagipna a kasapulan iti kanayon a panagbuggo ti ima, panagaramat iti alcohol ken panangliklik kadagiti saan a nasayaat iti pannakaluto na a taraon.