VIGAN CITY РNakemmeg iti search warrant operation idiay Brgy Maynganay Sur, Sta. Maria ni Rogelio Macaraeg, agtawen iti tallopulo ket pito, aglaklako ti niog a tubo ti Cabatling, Malasiqui, Pangasinan ngem agnaed tatta idiay Brgy. Maynganay gapu ti panaglabsingna iti Republic Act 9165 wenno Comprehensive Dangerous Drugs Act of 2002.

Pinasingkedan ni PLt. Joel Dasargo a ti suspek ket top 5 iti drug list ti PDEA idiay Pangasinan ket naduktalan nga adda iti nasao nga ili ti suspek gapu ti panangalana iti police clearance.

-- Advertising --

Immuna a ginatanganda idi May 28 ti iligal a droga ti suspek isu nga intuloyda a pinakatan iti search warrant operation a nakaalaan dagiti operatiba iti maysa a dakkel a heat-sealed transparent plastic sachet a naglaon iti uppat a babassit a heat sealed transparent sachet ti shabu nga agdagsen iti nasurok kumurang tallo a gramo nga aggatad iti PHP30,000, maysa a bassit a white hard board paper ken cellphone.

Nakakustodian ti suspek kadagiti pannakabagi ti linteg pakairamanan dagiti naala kenkuana a kontrabando tapno maidalan iti husto a proseso.