VIGAN CITY – Panaglabsing iti RA 9165 wenno Comprehensive Dangerous Drugs Act of 2002 ti kaso a sangwen ti maysa a High Value Individual target iti Provincial Level a nabuy-bust idiay Brgy. Del Pilar, Tagudin.

Nabigbig ti suspek a ni Jim Mingollo Fernandez, agtawen iti uppat a pulo ket innem, negosyante a taga-Brgy Borono, Tagudin.

-- Advertising --

Iti pannaki-uman ti Bombo Radyo Vigan ken ni PCapt. Jose Bandong II, nabayagen a sinipsiputanda ti suspek ken babaen iti confidential  informant da ket balligi a nakemmeg ti suspek iti operasyon a naiwayat.

Naala kenkuana ti maysa a small size heat sealed plastic transparent sachet ti shabu nga agdagsen iti nasurok kumurang 0.3 gram ken aggatad iti sangaribo a pisos nga isu ti nagserbi a buy bust item, tallo a plastic sachet ti shabu a naglaon iti shabu with residue, sangapulo ket maysa nga aluminum foil strips, lima a saan pay a nausar nga aluminum foil strips, tallo a lighter ken sangaribo a pisos a buy bust money.

Addan iti kustodia dagiti pannakabagi ti linteg ti suspek pakairamanan dagiti naala kenkuana a kontrabando tapno maidalan iti husto a proseso ken mayur-uray ti resulta ti drug test na.