-- ADVERTISEMENT --

VIGAN CITY – Immapela dagiti health worker idiay Namibia iti Inter Agency Task Force nga agbalinda a patas ket ikkatenda ti Namibia iti red list gapu ti Covid19 Omicron variant ta aduda ti kayatna a makaawid tapno makadua ti pamiliada ita a paskua.

Iti pannaki-uman ti Bombo Radyo Vigan ken ni Bombo International Correspondent Jay Icaranom, nairaman laeng iti red list ti Namibia gapu ta asideg iti South Africa ngem awan pay ti natakuatan nga Omicron variant iti uneg ti pagilianda.  

Innayonna a nainget ti Namibia no maipanggep ti testing ta no sumrekka iti nasao a pagilian ket kasapulanda ti negative result idinto a no makasangpetda ket dumalandanto manen iti test.

Bassit laeng ti kaso ti Namibia ta sursuroten dagiti tattao ti panagisuot ti facemask ken kayatda ti agpabakuna isu nga iti kaudian a rekordda ket adda laeng ti duapulo a kaso a nainayon; sangagasut ti aktibo a kaso ken awan ti nairekord a natay.

Impannakkelna pay ti napintas a healthcare system da kompletoda kadagiti equipments ken dagiti ag-agas a masapul dagiti pasyente ti Covid19 ket maipapaayda.

-- ADVERTISEMENT --