VIGAN CITY – Awan ti plano dagiti napan nagdidigos nga agtutubo idi kalman ta mapan da laeng mangan ti baybay a sakupen ti Brgy. Manangat, Caoayan.

Iti pannaki-uman ti Bombo Radyo Vigan kenni Jendy Castaneda, kaddua ti biktima a ni Jochell Avila, simmurot da a napan ti baybay ngem awan iti gandat da nga agdigos agingga a napan timmapog ti biktima.

-- Advertising --

Nakadanon da iti adalem a paset ti baybay ken darakkel idi ti dalluyon agingga saan da a nakayanan iti aglangoy.

Innayon ni Castaneda a nakita a nakakidemen ni Avila ket insigida a ginuyod na agingga a makadanun da iti igid ti baybay.

Agkikiddaw met ti tulong ti ina ti biktima a ni Richelle Avila awan a pulos iti pagalanda iti kwarta nga aramaten da a panangidulin iti anakna ta maysa tawen palaeng iti napalabas idi pimmusay iti asawana.