-- ADVERTISEMENT --

VIGAN CITY – Umaboten iti 98.63% wenno 38,849 ti bilang dagitin fully vaccinated iti siudad ti Vigan idinto a 114.69% wenno 45,172 met dagiti nakaawaten iti second dose.

Iti pannaki-uman ti Bombo Radyo Vigan ken ni Dr. Loida Ranches iti Vigan City Health Office, no apay a dimmanun iti nasurok sangagasut a porsiento dagiti nakaawat iti first dose ket gapu ta adda dagiti saan a taga-Vigan ngem agtrabtrabaho iti siudad a nabakunaan.

Gapu ti dayta, umaboten iti 82,605 doses ti Covid19 vaccine ti naited manipud idi March 5 agingga December 3 kadagiti BigueƱos a daytoy ket ginatang ti City Government kasta payen ti COVAX.

Iti agdama, adda laengen maysa nga aktibo a kaso ti Covid19 iti siudad ken sumagmamano a positive iti antigen test.

-- ADVERTISEMENT --

Kabayatanna, ilepleppasen ti city government dagiti saan pay a nakaawat iti second dose da sakbay nga irugidanto iti panagbakuna ti booster dose ta iti agdama ket mayur-uray pay laeng ti suplay ti bakuna a maaramat.