VIGAN CITY – Nawarasan iti farm inputs dagiti mannalon idiay Brgy. Arnap, Cabugao tapno ad-adu pay ti maapitda a nateng, pagay ken tabako.

Karaman kadagiti naiwaras ti granular fertilizer, foliar fertilizer ken soil conditioner a nailatang manipud iti RA 7171 Municipal Share ti ili.

-- Advertising --

Impakaammo ni Mayor Ediboy Cobangbang nga agtultuloy ti panangiwarasda iti bin-I kasta payen dagiti farm inputs ken machineries a mausar iti panagtalon.

Ti panagiwarasan ket indaulwan da SBM Josh Edward Cobangbang ken SBM Jeremy Seguban Jr kadua ti Municipal Agriculture Office.