© Sta. Lucia municipal police station. Motorsiklo a nagluganan ti biktima iti aksidente a ni Rodolfo Dalit idiay national highway ti Burgos, Sta. Lucia.

VIGAN CITY- Dead on arrival ni Rodolfo Dalit, agtawen ti duapulo ket lima, maysa a bank employee, agnaed idiay Brgy. Bessang, Burgos ta naaksidente idi rabii ti Lunes idiay national highway ti Burgos, Sta. Lucia.  

Segun ken ni Police Capt. Leonilo Ancheta, agpapa-abagatan a direksion ni Dalit a nagmaneho ti yamaha sniper 135 idi ta saanna a nakontrol ti manibela ti luganna ket naidungpar iti steel gutter iti kalsada.

-- Advertising --

Adda ti helmet ti biktima ngem gapu iti kinapigsa ti impact ti pannakaidungparna ket nagsagaba iti nakaro a dunor ti ulona ken nadumaduma a paset ti bagina a puon ti nakatayanna.

Naitaray iti kaasitgan nga ospital ti biktima ngem natay.