VIGAN CITY – Panaglabsing iti Municipal Ordinance No. 2017-21 iti sangwen dagiti dua a lalaki a nagkalap iti sakupen a kabaybayan iti Brgy. Bateria, San Esteban, Ilocos Sur.

Dagiti naglabsing ket da Fernando Dunot Dollente, agtawen ti limapulo ket innem, naasawaan ken Ej Tabaniag Dollente, agtawen ti duapulo ket pito, baro nga agpada a mangngalap nga agindeg idiay Brgy. Nalvo, Sta. Maria.

Insayangkat dagiti kameng iti San Esteban Municipal Police Station iti sea patrol babaen ti motorized banca nga inisyu ti Provincial Government of Ilocos Sur a gappuanan ti pannakakitada iti dua a mangngalap nga agkalpkalap uray saanda nga agindeg iti nasao a lugar ta addada iti territorial water iti San Esteban iti limagasut a metro daya a paset iti Brgy. Bateria iti nasao met laeng nga ili.

Naala kadakuada iti maysa nga unit iti motorized banca, maysa a hook and line, ken pito a nadumaduma a klase ti ikan.

Naipan dagiti suspek pakairaman dagiti naala kadakuada iti kostudiya dagiti pannakabagi ti linteg tapno dumalan ti husto a proseso.

-- Advertisement --