VIGAN CITY – Nakemmeg iti dua a lallaki ta nagpaputok da iti paltog idiay sitio Cabaroan, Brgy. Dinaratan, Salcedo. Nabigbig ti suspek a ni Donato Habon agtawen ti uppat a pulo ket lima kenni agnaed ti nasao a barangay kenni Jeric Bautista agtawen ti dua pulo ket innem nga agnaed ti Brgy. Villarica, Candon City.

Segun ti Salcedo Municipal Police Station, nadlaw ni Sgt. Kent Solodarios, miyembro ti 81st IB a naka destino ti Sitio, Cabaroan, San Tiburcio, Salcedo iti maysa a motor siklo a nagsardeng iti igid ti Amburayan River ket maysa kadakuada iti nagpaputok iti paltog iti namindua a daras.

-- Advertising --

Insigida a pimmanaw dagiti suspek ngem nabigbig ida ni Solodarios iso nga impakammuna a daras ti Salcedo PNP ket naisayangkat ti hot pursuit operation a nakakemmeganda. Narekobre ti kapulis ti dua a pasyo ti caliber 9mm ken iti paltog a nausar ket saanen a narekobre.

Ti agdama maisagsaganan iti kaso kontra kadagiti dua a mamapati a nagpaputok iti paltog.