-- ADVERTISEMENT --

VIGAN CITY – Dua a baro a kaso ti covid-19 iti nainayon iti probinsia iti nagpatnag nga agpada a taga-Candon City.

Ti nasao nga infection ket nangitundaan iti tallogasut ket innem a covid-19 case iti probinsia.

Ni IS-C305 ket maysa a babai, agtawen ti uppat a pulo ket siam, local housewife nga agnaed idiay Brgy. San Isidro, Candon City.

Ti pasyente ket asymptomatic, awan iti travel history-na, na-expose ken ni IS-C293 ken extensive iti contacts-na.

Idinto a ni IS-C306 ket maysa a babai nga agtawen ti tallopulo ket walo, local vendor nga agnaed idiay Brgy. San Agustin, asymptomatic, awan iti travel history-na, na-expose ken ni IS-C293 ken extensive iti contacts-na.

-- ADVERTISEMENT --

Maidalan iti EECQ iti critical zone, MECQ iti containment zone ken GCQ iti buffer zone manipod February 3 agingga February 17 iti agdama a tawen.