-- ADVERTISEMENT --

VIGAN CITY – Nakemmeg iti buy bust operation idiay Bayubay Sur, San Vicente ti maysa a PDEA Provincial Priority Target.  

Nabigbig ti suspek a ni Odysee Mantilla, agtawen iti tallopulo ket uppat a taga-Brgy. Cabuloan, Sta. Catalina.

Naala kenkuana ti maysa a piraso ti heat sealed transparent plastic sachet ti shabu nga isu ti buy bust item ken lima a piraso ti heat sealed transparent plastic sachet ti ikotna a shabu nga aggatad iti PHP56K.

Malaksid ti dayta, adda pay ti dua a piraso ti lima gasut a pisos a marked money; maysa a nangisit a pitaka; cellphone ken maysa a traysikel.

Nakaibaluden idiay San Vicente Police Station ti suspek ken maisagsaganan ti kaso a sangwenna.

-- ADVERTISEMENT --