VIGAN CITY – Agpada a nadunor ti driver ti tricycle ken motorsiklo iti aksidente a napasamak iti national highway idiay Brgy. Magsaysay, Sinait.
Segun ti Sinait Municipal Police Station, ti nagmaneho ti motorsiklo a Yamaha Sniper ket ni Glenn Cabreros Sablay, agtawen ti duapulo ket walo, naasawaan nga agnaed idiay Brgy. Pug-os, Cabugao idinto a ti nagmaneho ti tricycle ket ni Benigno Balagso Ancheta, agtawen ti innem a pulo ket siam a taga-Barangay Paratong, Sinait.
Nagresponde dagiti pannakabagi ti linteg iti aksidente a napasamak ket naamoan nga agpada nga agpapaamianan a direksyon dagiti lugan a ti akin sango ket ti tricycle idinto a naud-udi ti motorsilo, idin nag-over take ti motorsiklo ket immagaw iti linya iti tricycle a gappuanan iti aksidente.
Naipan dagiti dua a driver iti Ilocos Sur District Hospital-Sinait para iti medical attention.
