VIGAN CITY – Makikinnammayet ti Department of Health kadagiti local government units ditoy pagilian inaig iti outbreak vaccination program a nakasagana nga aramiden da kontra ti sakit a polio kalpasan ti dua a kumpirmado a kaso ti nasao a sakit ditoy pagilian kalpasan ti sangapulo ket siyam a tawen.

Segun ken ni Health Undersecretary Eric Domingo iti pannaki-uman kenkuana ti Bombo Radyo Vigan, masapul da iti tulong dagiti LGU ditoy pagilian tapnu maipalagip iti publiko, nangruna dagiti inna a masapul a masurot dagiti nakaituding nga schedule iti panagbakuna dagiti ubbing.

-- Advertising --

Dayta ket tapnu saan laeng a malabanan wennu maparmek iti akit a polio nu di ket uray dagiti sabali pay a sakit kas ti dengue, kamuras ken dadduma pay a mabalin a maliklikan babaen ti bakuna.

Kagiddan iti dayta ket kiniddaw ni Domingo iti publiko iti kanayon a panagdaldalus da iti bagi da kasta payen iti aglawlaw ken masapul a siguradoen da a nadalus ken naluto a naimbag dagiti ipapauneg da a taraon ken ti danum nga in-inumen da.

VC- HEALTH USEC- DOH SPOKESMAN ERIC DOMINGO