-- ADVERTISEMENT --

VIGAN CITY – Indatag ti Singson patriarch ti kakaisuna a kondisyon para iti putotna nga agdama a gobernador ti Ilocos Sur tapno masimpa ti ririda iti pulitika nga agama ket maisubli ti naurnos a pamiliada.

Iti pannaki-uman ti Bombo Radyo Vigan ken ni League of Municipalities of the Philippines-Narvacan Mayor Luis Chavit Singson, impakammuna ti kondisyon na kenni Ilocos sur Gov. Ryan Luis Singson nga iti saan a panagtaray kas kongresista ni 1st District Congressman Deogracias Victor Savellano iti solusyonna tapno maikkan ti gundaway ni dati a Congressman ronald Singson nga agserbi ti umuna a distrito ti probinsya.

Pinasingkedan ni Mayor Chavit a no saanen nga ituloy ni Savellano ti panagtarayna para iti eleksyon inton sumaruno a tawen ket ag-withdraw met  a tumaray iti kina-bise gobernador ta ipaimananton ken ni Gov. Singson ti nasao a posisyon ngem agtalinaed a ni incumbent Vice Governor Jerry Singson ti tumaray a gobernador ditoy probinsia inton sumaruno a panagpipili.

No ipilit ti grupo ni Gov. Singson ti line-up da ken ituloy ni Savellano ti tumaray ket mapilitan ni Mayor Chavit nga aramaten ti amin a political resources na tapno mangabak iti eleksyon ken tapno saan a maibabain kadagiti tao.

Maipalagip a nabara ditoy probinsia ti panagsango dagiti agama a Singson ta nangipilada iti kandidatura para iti kinabise-gobernador idi Oktubre uno.

-- ADVERTISEMENT --