-- ADVERTISEMENT --

VIGAN CITY – Natay ni Aljon Lee Torde, agtawen iti duapulo ket uppat, construction worker ken Brgy Tanod a taga-Paoc Norte, Sta. Lucia gapu ti panagbekkelna.

Intawag ni Brgy Captain Bernardo Espejo iti Sta. Lucia Police Station nga adda Brgy Tanod a nasarakan a nakabitin iti salasda babaen ti tali a nakaiputipot iti tengngedna.

Idi nakadanun dagiti pannakabagi ti linteg, naibabadan ti biktima babaen ti asawana a ni Cristel Torde, agtawen iti duapulo ket tallo ken timmulong dagiti kaarrubada.

Iti pakpakauna nga imbestigasyon, imbati ti asawana ti biktima iti salasda nga umin-inom iti arak ket iti alas dose kwarenta y singko iti agsapa ti November 25, rimuar iti kuarto ti asawana tapno kitaen ti asawana ngem nasarakanna metten a nakabitin.

Pinasingkedan ti asawa ti biktima nga adda parikutna iti pinansyal nga isu ti maipagarup a nagbekkelanna.

-- ADVERTISEMENT --