-- ADVERTISEMENT --

VIGAN CITY – Dead on arrival ni Dexter Bermudez, agtawen iti duapulo ket dua a taga-Ambalayat, Tagudin gapu ti panagbekkelna.  

Iti pakpakauna nga imbestigasyon, alas nuebe iti rabii ti November 24, ti biktima ket nasarakan ti kabsatna a ni Eurica Bermudez babaen ti nylon rope iti likudan ti pagtaenganda a naigalut iti bamboo ceiling.

Insigida a nagpaarayat ti kabsatna ket ti amada a ni Gerardo Bermudez ti nangputed iti tali sa impanda iti ospital.

Natakuatan pay nga iti isu met laeng nga aldaw, nagriri ti biktima ken ti inana maipanggep iti scholarship allowance ti biktima.

Nupay kasta, saanen a kinayat ti pamilia ti biktima nga ipaidalan ti autopsy ti bangkayna.

-- ADVERTISEMENT --