VIGAN CITY – Kinumpirmaran ni Major Rogelio Dumbrique ti 81st Infantry Battalion a ti babai a natay a kameng ti Kilusang Larangang Gerilya-South Ilocos Sur a kinarinnupak dagiti military idi Sabado idiay Suagayan, Sta Lucia ket nabigbig a ni Pamela Peralta alyas Maymay a nagturpos iti University of the Philippines.

Iti pannakiuman ti Bombo Radyo Vigan ken ni Dumbrique, nakunana a dati nga aktibista ni Pamela agingga idi nagbalinen a kameng ti New People’s Army wenno ti KLG-SIS.

-- Advertising --

Segun ken ni Dumbrique, kadua ni Maymay a naggraduar idiay UP dagiti tallo a natay a top leader idiay Namatican, Sta Lucia a nakirinnupak kadagiti militar idi February 13.

Dagiti kakadua pay ni maymay a pimmusay a NPA ket da Rolando Marvil, agtawen tallo pulo ket maysa, tubo ti Brgy. Bugnay, Candon; Joseph Capulas alyas Asyong tubo ti Sitio Lingaw, Brgy. Pidpid, Sta. Cruz, Commanding Officer ti Squad Dos ken Tres; Joy Alped a tubo ti Brgy. Palacapac, Candon, Leader ti Squad Tres Assault Team ken Bomb Expert.

Ingunamgunam ni Dumbrique kadagiti NPA a sumukoda laengen ti ti gobierno ta awan iti nasayaat a masakbayanda ket kiniddawna pay kadagiti agindeg ditoy probinsia kangrunaan iti ili ti Sta. Lucia a makitinnulongda kadakuda no man bilang nga adda t presensya ti NPA ti lugarda ket insigida nga ipakammoda.

Agtultuloy latta iti hot pursuit operation da Dumbrique ta patienna a saan pay a nakaadayo dagiti dadduma a kameng ti KLG-SIS ken adda iti nadunor kadakuada isu a saanda nga agsardeng a sapulen isuda ta ammoda nga aglemlemmengda laeng.

Kabaytanna, innayonna nga awanen iti nainayon pay a bilang ti natay iti nasao a rinnupak.