VIGAN CITY – Innem iti nakemmeg idiay Barangay Turod Patac, Cabugao gapu iti panaggay-ayamda iti tong-its.

Dagiti suspek ket da Aristotle Andres, agtawen iti talopulo ket lima, naasawaan, construction worker; Romel Solatre, agtawen ti uppat a pulo ket uppat, mannalon, naasawaan ken Rolly Reton, agtawen ti limapulo ket maysa, naasawaan, mannalon nga agpapada nga agnaed idiay Barangay Turod-Patac, Cabugao; Jester Purisima, agtawen ti sangapulo ket walo, baro nga agnaed idiay Barangay Bato, Cabugao; Christopher Tapangco, agtawen ti duapulo ket innem, mannalon ken agnaed idiay Barangay Arnap, Cabugao; Jephrain Siembre, agtawen ti sangapulo ket walo nga agnaed idiay Brgy. Turod-Patac, Cabugao.

-- Advertising --

Insayangkat dagiti pannakabagi ti linteg iti anti –illegal gambling operation a nagresultaan iti pannakakemmegda ken nakaalaan iti dua a set iti baraha ken pusta nga aggatad iti tallo ribo tallo gasut ket innem a pulo a pisos.

Kabayatanna, nakalibas idi nakemmeg ti maysa a suspek nga isu ni Rommel Silos nga agnaed idiay Brangay Arnap, Cabugao.