VIGAN CITY – Awanen ti biagna idi masarakan iti maysa a lalaki iti uneg ti kasilya ti pagtaenganda idiay Brgy. San Isidro, Candon City.

Nabigbig ti biktima a ni Vladimir German Abaya, agtawen ti uppat a pulo ket tallo, baro, Administrative AID III ti Candon City Division DepEd ken agnaed ti nasao a barangay.

-- Advertising --

Segun ti Candon City Police Station, nagturong iti family house-da ti kabsat ti biktima a ni Mediatrix Abaya Breitkopf ta mapanna kitaen iti kabsatna ngem nakigtot laengen idin masarakanna nga awan iti biagna iti uneg ti kasilya iti kabsatna.

Iti agdama agtultuloy iti imbestigasyon ti kapulisan inaig iti rason iti pannakatay ti biktima.