VIGAN CITY – Ipadpadeklarar ni Gov. Ryan Singson a persona non grata dagiti tallo a showbiz personality a da Roberto Meija alyas Long Mejia, Romy Pastrana alyas Dagul, Gene Baldivia alyas Gene Padilla ken dagiti dadduma pay a kakaduada a napan iti nasao nga ili numan pay nainget a maipatpatungpal dagiti COVID19 protocol.

Nakastrek dagiti nasao  a komedyante  ditoy probinsia nga awan iti pannakikinnammayetda kadagiti local government unit ken mapapati nga awan met ti napateg a gagarada.

-- Advertising --

Agapapada a saan a dimmalan iti quarantine checkpoint protocols ken linibasanda dagiti checkpoint personnel isu a kinondenar ni Gov. Singson ti napasamak ket kayatna a matignayan nga insigida tapno saanen nga agtuloy pay ti panagwaras ti COVID19.

Ingunamgunam ti gobernador a ti nasao a  pasamak ket mangipalagip a saan laeng a ti national ken local government  wenno tunggal sektor ti kagimungan no di ket ti tunggal maysa ti kangrunaan a sumurot kadagiti paglintegan.