-- Advertisements --
TUGUEGARAO CITY- Ipinag-utos ni Secretary Raul Lambino, CEO ng Cagayan Economic Zone Authority ang pagkansela sa lahat ng chartered flights mula Macau at iba pang bahagi ng China na lalapag sa Cagayan North International Airport.
Sinabi ni Lambino na layunin nito na mapigilan na makapasok sa Cagayan ang novel corona-virus.
Ayon kay Lambino na inabisuan na nila ang charterer ng Royal Air na suspindihin muna ang kanilang mga flights.
Ang operayon ng nasabing airline ay Macau-Lallo na ang karamihan sa mga sakay nito ay mga Chinese tourists na papunta sa mga tourist destinations sa Cagayan.
Sinabi ni Lambino na mayroon ding commercial domestic flight ang Royal Air sa pagitan ng Lallo at Clark.
