Reading Time: 1 minute

(Update) JAKARTA – Binawi na ng mga otoridad sa Indonesia ang tsunami warning matapos ang pagtama ng 6.9-magnitude na lindol sa bahagi ng Molucca Sea.

Ayon sa geophysics agency ng Indonesia, walang naitalang pinsala matapos ang malakas na pagyanig.

Naitala ang sentro ng pagyanig sa 185-kms timog-silangan ng Manado sa pagitan ng Sulawesi at Malkuku islands.

Batay sa US Geological Survey, may lalim na 24-kms ang pagyanig sa Molucca Sea, at nasundan ng mahihinang mga aftershocks.

Nataranta na raw ang mga residente sa ilang siyudad dahil sa pag-uga ng mga gusali.

Ilan namang mga ospital sa lungsod ng Ternate na nasa 130-km ang layo mula sa sentro ng lindol, ay nagtamo ng maliliit na pinsala at kinailangan pang ilikas ang mga pasyente. (Reuters)