TACLOBAN CITY-  Dead on the spot an usa nga lalaki mahuman nga paninigbason han waray pa makilal-i nga suspek ha Silvino Lubos Northern Samar.

Ginkilala an biktima kan Diosdado Cabides, 55 anyos an pangidaron, parag-uma, ngan residente han mao nga lugar.

Photo Source: southcoastherald.co.za

Sumala kan PSMS Elberto Diaz, Cheif Investigator han  Silvino Lubos MPS, nga subay ha ira imbestigasyon nga nakadto an biktima ha usa nga payag han iya umhanan ngan tigda ini nga ginsulong han suspek ngan  ginpananawtaw ini.

-- Advertising --

Nakag-angkon naman hin igo ha may liog an biktima rason agud  nga dayun nga maawatan ini hin kinabuhi.

Mababaruan nga waray na nakuha  ha crime scene an  gingamit nga sundang han suspek ha pananawtaw.

Personal nga delito naman an ginhihingita nga motibo han mga kapulisan ha mao nga insidente.

Padayun naman nga ginhahalpat han mga kapulisan an mao nga suspek.