-- ADVERTISEMENT --

TACLOBAN CITY – Nagsalawad na han iya COC hi Tacloban City Mayor Alfred Romualdez ha iya utro nga pagdalagan kumo alkalde han syudad para ha piniliay ha masunod nga tuig 2022.

Kaupod ni Mayor Alfred an iya asawa nga hi anay Mayor Cristina Gonzales Romualdez sugadman an iya anak nga hi Raymund Romualdez nga nagfile gihapon han iya COC kumo running mate ni Mayor Alfred pagkabise alkalde han syudad.

Mahitungod hini, upat na an mga mayoralty candidates han syudad para ha tidaraon nga eleksyon kaupod na hi incumbent vice mayor Jerry Sambo Yaokasin.

Samtang, kakulop gihapon nga adlaw han magsalawad han iya kandidatura hi incumbent Majority Floor Leader Ferdinand Martin Romualdez pagka-congressman naman han Leyte 1st District.

Kaupod hini an iya asawa nga hi Tingog Partylist Representative Yedda Romualdez.

-- ADVERTISEMENT --

Sumala kan FM Romualdez, usa ha mga nagduso ha iya nga utro nga dumalagan ha first district in tungod nga karuyag niya igpadayon an mga bubuhaton hini para ha pagpaupay ngan pagparibhong han distrito labi na nga ginkokonsidera daw ini niya nga first love.