TACLOBAN CITY – Ginsiguro han Tacloban City government nga dire magpapaurhi an syudad ha pagprocure o pagpalit hin COVID-19 vaccine ha oras nga maging abelable na ini ha Pilipinas.

photo ctto; Ginsiguro han Tacloban City government nga dire magpapaurhi an syudad ha pagprocure o pagpalit hin COVID-19 vaccine ha oras nga maging abelable na ini ha Pilipinas.

Sumala kan Atty. Aldrin Quebec, lead coordinator han Task Force COVID-19 ha Tacloban, ha pagkayana in waray pa specified amount nga gin-alutaga para hini pero ginsisiguro han syudad nga mababakunahan tanan nga molopyo subay ha vaccination plan han Department of Health (DOH).

Ginklaro gihapon hini nga an maabot P30 million nga pondo in gin-alutaga han syudad para han support services han vaccination drive ngan dire pa para han pagpalit hin bakuna.

-- Advertising --

Ginhihingita gihapon han city government nga pwede mahimo nga prayoridad an syudad ngan mauna ha pagprocure hin mga bakuna tungod nga usa an Tacloban ha mga syudad nga nakapailarom pa ha General Community Quarantine(GCQ).

Ginsiguro gihapon han syudad nga may mga pondo nga abelable tikang ha Calamity fund ngan Economic Development Fund nga pwede nga gamiton in kaso nga kinahanglanon han syudad.