-- ADVERTISEMENT --

TACLOBAN CITY – Ginsisiguro ni Ormoc City Mayor Richard Gomez nga matutuman hini an iya mga prayoridad ngan adbokasiya pananglitan nga hiya an palaron nga magdaog kumo Congressman han ikaupat nga distrito han Leyte.

Una hini, alagid-agid hin magiging battle of political clans an matatabo ha 4th District of Leyte, mahuman nga magsalawad hin kandidatura hi Mayor Goma kun diin makakatugbang hini ha congressional position hi anay COMELEC Commissioner Gregorio Goyo Larrazabal nga nauna pagfile hin COC.

Sumala kan Mayor Richard, magiging prayoridad niya kun hiya an magdaog kumo representante han 4th District han Leyte an paghimo hin mga balaud para ha pagpondo han mga programa nga makakabulig ha pagribhong han distrito.

Labot pa hini in iya gihapon igpapadayon an pagtutok ha sports han mga kabataan, anti-drug campaign ngan iba pa.

Samtang, basar ha pira nga mga sources posible nga magbubug-os ha lineup ni Larrazabal hira anay Ormoc City Mayor Edward Codilla nga napirde ni Gomez han 2016 elections ngan anay mayor Rowena Codilla han Kananga Leyte nga napirde naman han 2019 elections ni Mayor Matt Torres nga bugto ni Congresswoman Lucy Torres-Gomez.

-- ADVERTISEMENT --