TACLOBAN CITY – Padayon an ginbubuhat nga search and rescue operations ha sobra napulo nga mga indibidwal kaupod na an pira nga mga parupangisda ha Eastern Visyas nga gintutuuhan nga nawawara tungod han paglasurbo han bagyong Jolina.

Sumala kan Lord Byron Torrecarion, Regional Director ng Office of Civil Defense Regional Office 8, ha pagkayana in padayon la gihapon nga ginbibiling an pira nga mga parupangisda nga nagpalawud ngan naabtan han bagyo ha kadagatan, kaupod na hini an usa nga parupangisda ha Tolosa, Leyte, duha ha Caibiran ngan usa ha Culaba, Biliran.

Sumala naman ha report, mayda napulo nga mga residente nga naitala nga missing ha parte han Daram, Samar pero pira ha mga ini in nabilngan na.

-- Advertising --

Padayon naman an monitoring han OCD 8 ha sitwasyon ngan danyos nga naidurot han bagyong Jolina ha bug-os nga rehiyon.

Padayon gihapon an pangandaman han mga otoridad ha rehiyon ha bagyong Kiko nga nakasulod na ha PAR.