TACLOBAN CITY — Patay an usa nga pulis mahuman nga maaksidente an iya ginsasakyan nga motorsiklo ha usa nga Tricycle ha kahilabaan han dalan han Baranggay Naga-naga, Tacloban City.

Ginkilala an biktima nga hi PO1 Carl Aldrich Quebec, pulis han Police Regional Office 8 ngan residente han Brgy. 88 San Jose Tacloban City.

Gindara pa hi Quebec ha Eastern Visayas Regional Medical Center (EVRMC) pero gindeklara na ini nga dead on arrival tungod ha impact han iya pagkakaigo ha tricycle.

-- Advertising --

Basar ha inisyal nga imbestigasyon han Abucay Police Station nga nakainom daw an biktima nga pulis.

Samtang, samaran naman an mga pasahero nga sakay han Tricycle.