TACLOBAN CITY – Ginkakabaraka han pira nga mga Overseas Filipino Workers (OFWs) ha Estados Unidos an nagsasarang nga report bahin han daw posible nga pagkaada utro hin kasamok ha pira nga mga estado.

Washington DC: US capitol building; Ginkakabaraka han pira nga mga Overseas Filipino Workers (OFWs) ha Estados Unidos an nagsasarang nga report bahin han daw posible nga pagkaada utro hin kasamok ha pira nga mga estado.

Ini in kasunod han pagkakaimpeach kan US President Donald Trump ha ikaduha nga higayon mahitungod han nahitabo nga kasamok durot han pan-aatake han mga tagasuporta hini ha US Capitol building.

Sumala kan Xenia Basan-Gafate, Bombo International Correspondent ha
Gossamer Fog Ave, Las Vegas, Nevada USA, ha pagkayana in mahimyang an ira kamutangan pero doble an ira pag-iikmat tungod han mao nga report.

-- Advertising --

Gin-aalegar mayda daw mga supporters ni Trump nga nagpaplano nga magdurot hin kasamok ha kada estado han nasud san-o an Enero 20, o adlaw han inagurasyon ni US President Joe Biden.

Ha kaluyo hini in naglalaum la gihapon hira nga magiging mahimyang an transisyon ngan inagurasyon ni Biden ngan matutuman hini an pagbabag-o nga iya saad para ha bug-os nga Amerika partikular na an pagpabakdaw han ekonomiya, pagtutuk ha COVID-19 pandemic ngan sugadman ha immigration.