ODD NEWS- Usa nga Briton nga aada ha 4ft.  ngan unom ka pulgada an kahitaas an pwede nga kilal-on kumo pinaka-gutiay nga  bus driver han Guinness World Records.

Usa nga driver nga ginkilala kan Frank Hachem 55-anyos an nagdra-drive ha double decker buses.

Photo Source: guinessworldrecords.com

Dako an pagtuo ni Hachem nga hiya an pinakahamubo ha tanan nga  nagda-drive han bus ha bug-os nga kalibutan , sanglit nga hiya mismo an nagsumeter han iya aplikasyon ha Guinness agud nga opisyal ini nga kilal-on an iya pagigin  world record holder.

-- Advertising --

Mababaruan nga nakarawat hi Hachem kumo  driver ha kaluyo han iya pagruruwaduha nga diri maabot han iya mga tiil an pedal han bus nga iya mamanihuan.

Ha kaluyo hini in gin-aghat hi Hachem han kompanya nga magpadayon ha  pag-aapply kumo driver mahuman nga ig-explikar ha iya nga mayda naman daw examinasyon nga ighahatag an kompaniya ngan magsasara ha mga karuyag nga mag-drive hin bus.

Ha katapusan in nakarawat hi Hachem kumo driver matungod nga nahimo naman hini nga maabot an pedal pinaagi han pagpapahamububo han lingkuran.