TACLOBAN CITY – Paslak an usa nga lalaki mahuman ini nga mag amok ngan magpinabuto han iya pusil ha Kristina Heights, Tacloban City.

Photo source: nydailynews.com

Ginkilala an suspek nga hi Alyas Robert, 54 anyos, residente han mao nga lugar ngan dati miyembro han Philippine Airforce.

Sumala kan PCapt Winrich Laya-Lim, Station commander Abucay Police Station 2, nga nakakarawat hira hin report bahin han pagamok han mao nga lalaki ngan han ira pagpanginano in nakapailarum ini hin impluwensya han makahurubog nga irimnon.

-- Advertising --

Nakuha naman ha iya an kalibre .38 nga revolver nga mayda tulo nga live ammunition.

Ginpasakahan naman an mao nga suspek ha kaso pagtalapas han R.A. 10591 (Illegal Possession of Firearms).