TACLOBAN CITY- Padayon pa nga guintatambalan an usa nga parapananggot ha Carigara District Hospital mahuman ini nga pusilon ha wala nga parte han nawong.

Guinkilala an biktima nga hi Tomas Salvacion y Boreres, 34 anyos an pangidaron, ulitawo, diri nakakayanan ngan residente han Barangay Parena, Carigara, Leyte.

Samtang, guinkilala naman an suspek nga hi Ricardo Nalda y Sabela, 42 anyos an pangidaron, kasal, ngan residente guihapon ha mao nga lugar.

-- Advertising --

Basi ha inisyal nga imbestigayson han mga otoridad nga nagtatagay la an biktima kaupod an pira nga kabugtuan ngan mga kasangkayan kun diin dida han gumawas ini ha ira in umabot an punto nga pag initan han grupo han suspek ngan tigda nala ini nga guinpusil ha nawong.

Samtang, padayon pa nga guinhihingita han mga otoridad an suspek nga dayon nga kumalagiw mahuman an mao nga insidente.