TACLOBAN CITY – Ginhihingita han Department of Health (DOH) Regional Office 8 nga mabakunahan an 80 porsyento han mga kabataan ha syahan nga duha kasemana han immunization campaign ala kontra han measles-rubella ngan polio ha Sinirangan Bisayas

photo credit: Philippine Information Agency; Ginhihingita han Department of Health (DOH) Regional Office 8 nga mabakunahan an 80 porsyento han mga kabataan ha syahan nga duha kasemana han immunization campaign ala kontra han measles-rubella ngan polio ha Sinirangan Bisayas

An mao nga usa kabulan nga pagbakuna ha rehiyon in magtitikang Pebrero 1 kon diin target hini nga mabakunahan an maabot  535,000 nga mga bata nga nag eedad zero to nine months para ha measles rubella vaccine ngan below five year old para ha oral polio vaccines,

Ha usa nga press briefing, ginpahayag ni Elaine Villarosa, DOH Eastern Visayas national immunization program manager, an pagbubuhatan nga pagbakuna ha Sinirangan Bisayas in kaparte ha second phase han nationwide campaign kon diin kaupod dinhe an National Capital Region, Central Luzon, Mimaropa, Calabarzon, Cagayan Valley, Western Visayas, ngan Central Visayas.

-- Advertising --

An  first phase hini in ginbuhat ha  Mindanao regions ngan pira nga areas ha Luzon.

Dugang pa ni Villarosa nga panuyo hini nga panbakuna in para mas mapakusog an  immunity level han mga kabataan ngan para malikayan gihapon an outbreak hini nga mao nga sakit.