TACLOBAN CITY – Padayon ha pagkayana an paghingayad han dalan nga gin-aagian han mga garbage trucks pakadto ha dumping site han syudad han Tacloban.

photo: Tacloban CIO; Padayon ha pagkayana an paghingayad han dalan nga gin-aagian han mga garbage trucks pakadto ha dumping site han syudad han Tacloban.

Una hini, nagdurot hin backlogs ngan pagkaada hin problema han pagkolekta han mga basura ha magkadirudilain nga mga barangay an pagkaguba han mao nga karsada.

Sumala kan Engr. Leoncio Parado, head han Tacloban City General Services Office, naguba an mao nga dalan tungod han nahitabo nga waray wantas nga pag-inuran han naglabay nga mga semana kun diin nagkakalulubong an garbage trucks tungod hini.

-- Advertising --

Ha pagkayana in padayon naman an paghingayad hini kun diin 40 metros na ha 70 metros nga karsada an nasemento na.