TACLOBAN CITY – Nagdumara hin operasyon yana nga kulop an National Bureau of Investigation (NBI) kaupod an Eastern Visayas Regional Mobile Force Company ngan Tacloban City Police Office ala kontra ha Kabus Padatuon (KAPA) Community Ministry International, Inc.

Ini in kasumpay han naging kamanduan ni Presidente Rodrigo Duterte nga igpasara an operasyon han KAPA ni Pastor Joel Apolinario.

Dara an search warrant, in pwersahay nga gin-abrehan an opisina han KAPA ha Marasbaras, Tacloban City kun diin duha nga security guard an nakadto han pagdumaraon an operasyon.

-- Advertising --

Ginkuha han mga personnel han NBI an pira nga mga dokumento ha sakob han opisina han KAPA.

Ha pagkayana in padayon naman an inventory han NBI ha mga dokumento nga ira nakuha.

Sumala kan Pol. Maj. Rico Esoy, station commander han San Jose Police Station, ira gin-updan an NBI agud nga masiguro nga magiging hapsay an ira gindumara nga operasyon.

Pira naman nga mga miyembro ngan investors ha KAPA an dayon nag pumakadto ha mao nga opisina han makatunog ha gindumara nga raid.