TACLOBAN CITY – Ginpahayag han lokal nga gobyerno han Lapinig Northern Samar ha ngatanan nga nagpaplano nga umuli ha ira bungto nga dire na hira maakseptar hin mga locally stranded individual kun waray an mga negative result han RT PCR test han COVID-19.

photo: pna.gov.ph; Ginpahayag han lokal nga gobyerno han Lapinig Northern Samar ha ngatanan nga nagpaplano nga umuli ha ira bungto nga dire na hira maakseptar hin mga locally stranded individual kun waray an mga negative result han RT PCR test han COVID-19.

Sumala Lapinig Mayor Luisa Menzon, tungod han utro nga paghitaas han kaso han COVID-19 ha National Capital Region (NCR) napiritan an ira bungto nga mag-amendar han ira Municipal IATF Resolution para han mga mangunguli nga mga LSI.

Agud nga malikayan an pagsarang han COVID-19 ha ira bungto, ginrerequire na han Lapinig ha ngatanan nga masakob ha ira bungto nga magkaada hin negative result han RT PCR test.

-- Advertising --

Kun negatibo na resulta han mao nga COVID-19 test han usa nga LSI, pwede na ini nga igpailarom ha strikto nga home quarantine pero kinahanglan nga mapasar an panimalay hini ha standard home quarantine.

Kun dire ini pumasar ha standard home quarantine, igpapailarom ha isolation an LSI ha mismo pasilidad han bungto.

Nanawagan naman an mao nga opisyal ha mga LSIs nga mangunguli ha ira lugar nga magsunod ha ira panibag-o nga mga quarantine protocols nga ira ginpapatuman kumo pitad agud nga malikayan an surge han COVID-19 cases.