HEALTH NEWS- An sakit nga meningococcemia in usa nga delikado nga sakit nga durot han impeksyon han bacteria ha igbaw nga parte han aragian han pagginhawa ngan ha aragian han dugo .

An mao nga sakit in pwede nga magin kawsa han kamatayon han usa nga tawo .

Photo Source: healthline

Ha katikangan , an bakterya in nagpapabilin ha igbaw nga parte han aragian han pagginhawa ngan waray may ginpapakita nga sintomas, pero ha pagtika-iha in masulod na ini ha aragian han dugo ngan dida na magtitikang an pagkakamayda han mao nga sakit.

-- Advertising --

Adi naman an mga hinungdan han sakit nga Meningococcemia

An meningococcemia in durot han impeksyon han bacteria nga Neisseria meningitidis.

Ini in nakukuha tikang ha gutiay nga  droplets nga nagtitikang  ha baba ngan irong han tawo nga infected.

Posible gihapon ini nga makuha ha ubo, paghatsing, pakikipag-harokay, ngan iba nga pakikipag halubilo ha tawo nga mayda han mao nga sakit.