TACLOBAN CITY – Padayon an ginbubuhat nga hot pursuit operations han mga kapulisan kasumpay ha mga panmumusil han usa nga menor de edad ha Brgy Hamurawon, Calbayog City Samar.

Padayon an ginbubuhat nga hot pursuit operations han mga kapulisan kasumpay ha mga panmumusil han usa nga menor de edad ha Brgy Hamurawon, Calbayog City Samar.

Ha report tikang han mga kapulisan, banda alas 10 kagab-i han ginpusil an biktima nga hi Rommel Velentino, 16 anyos, taga Brgy. Salvacion hiton Calbayog City.

Sumala kan PLt. AiLeen Velarde, tagapagyakan Samar Police Provincial Office ( SPPO ), nagawas ha inisyal nga imbestigasyon nga nagbabaktas an biktima kaupod an iya patod tikadto ha balay han ira tiya han tigda nala nga gintapo an mga ini han mga suspek nga sakay han usa nga motor.

-- Advertising --

Humugot daw hin pusil an usa ha mga suspek ngan tigda hini nga ginpamumusil ha iba iba nga parte han lawas an biktima.Mahuman an panhitabo in dayon naman nga kumalagiw an mga suspek samtang gindara naman ha hospital an menor de edad nga biktima