TACLOBAN CITY – Maabot hin 88 nga mga agrarian reform beneficiaries (ARB) tikang ha walo nga mga bungto ha probisinya hiton Leyte an nakakarawat na han ira certificates of land ownership award (CLOA) tikang ha Department of Agrarian Reform (DAR) durante ha gindumara nga ceremonial turnover ha Brgy. Sto. Niño, Tacloban City.

Maabot hin 88 nga mga agrarian reform beneficiaries (ARB) tikang ha walo nga mga bungto ha probisinya hiton Leyte an nakakarawat na han ira certificates of land ownership award (CLOA) tikang ha Department of Agrarian Reform (DAR) durante ha gindumara nga ceremonial turnover ha Brgy. Sto. Niño, Tacloban City.

An mao ng turnover ceremony in ginpangunahan mismo ni DAR Secretary John Castriciones kaupod an pira pa nga mga key officials han  mao nga ahensiya.

Ha 88 nga mga ARBs, siyam hini in taga Alangalang, 23 tikang ha Babatngon, 12 tikang ha Dagami, siyam an taga Dulag, unom an taga Jaro, 22 tikang ha La Paz, tulo tikang ha Pastrana, ngan upat naman an tikang ha syudad han Tacloban.

-- Advertising --

Ha kabug-usan in maabot ha 137.12 kaektarya hin tuna an naipanhatag ha mao nga mga parag-uma.

Ha mensahe ni Castriociones, gin-aghat hini an mga farmer-beneficiaries nga kumbinsihon an ira mga anak nga kumuha hin kurso may kalabutan ha agrikultura agud nga mas mapakusog pa an mao nga sektor.

Gintagan hini hin duon nga dako an papel han mga parag-uma ilabi na yana nga panahon hiton pandemya kun diin kinahanglan nga masiguro an food security ha nasud.Ginpatapod naman hini nga pinaagi han whole of nation approach kun diin nagius an tanan han mga ahensya han gobyerno, maasisteran ngan mabubuligan an mga parag-uma ha bug-os nga nasud.